>>14449108Aalêêr göklär, hem yaş döker bulut,
Ay-Bobamız öldü.
Halkına braktı sevgi hem büük umut,
Mezarda gömüldü.
Angellär aldı ayoz canını,
Gökä çıkardılar.
"Neçin braktın, Boba, sän halkını?
Üüsüz gagauzlar".
"Aalamayın, benim kardaşlarım, --
Göktän bir ses geldi, --
Saabi sildi benim yaşlarımı,
Sevinmelik verdi.
Dayma Allah sizi koruyacek,
Ona dua edin.
Dooru yolu sizä gösterecek,
O yol sa -- dil hem din!"
Geçer vakıt, acı nicä pelin,
Erdä yok Bobamız.
Allaha yalvarêr bizim için
Ayoz duacımız.
Seviner dolay, seviner Çadır,
Näända Boba duudu.
Bizi toplêêr duaya manastır,
Bu er ayoz oldu.
https://voca.ro/13jEaGtfV99C 
