>>6423406Does it go like this?
In Logan’s woods, aye in Logan’s braes
I helped ma bonnie lassie on wi’ her claithes
First her hose and then her shune
She gart me the slip when she was done
She’s leaned her back against a thorn
And there she has twa bonnie bairns born
There she has twa bonnie bairns born
Doon by the greenwood sidie o
She’s ta’en a ribbon frae aff her hair
An’ she’s chokit them till they grat sair
She’s chokit them till they grat sair
Doon by the greenwood sidie o
She’s dug a hole baith lang and deepAnd she's buried them where nane might see
She’s buried them where nane might see
Doon by the greenwood sidie o Richt wanley has she gaed hame
Saes nane might meddle wi’ her fair fame
Saes nane might meddle wi’ her fair fame
Doon by the greenwood sidie o For days an’ weeks she was pale an’ wan
What she thoucht o’ there’s nane could tell
What she thoucht o’ there’s nane could tell
Doon by the greenwood sidie o
As she was lookin’ o’er yon castle wa’
She saw twa bonnie bairns playin’ at a ba’
She saw twa bonnie bairns playin’ at a ba’
Doon by the greenwood sidie o
Oh bairns, bairns, gin ye were mine
I’d gie ye coo’s milk and reid wine
I’d gie ye coo’s milk and reid wine
Doon by the greenwood sidie o
Oh mother, mother we once were thine
Ye didna gie us coo’s milk or reid wine
Ye didna gie us coo’s milk or reid wine
Doon by the greenwood sidie o
Ah but ye pulled a ribbon frae aff yer hair
An’ ye chokit us till we grat sair
Ye chokit us till we grat sair
Doon by the greenwood sidie o
Oh bairns, bairns come tell me true
What the future hauds for you
What the future hauds for you
Doon by the greenwood sidie o
Oh mother, mother we ken richt weel
For we in heaven, in heaven must dwell
While ye maun dreg the fierce fires o’ hell
Doon by the greenwood sidie o
Doon by the greenwood sidie o
